சென்னை புதுப்பேட்டை காவலர் குடியிருப்பில் வசித்துவரும் தர்மன், போக்குவரத்து காவலராக பணிபுரிந்து வருகிறார். கடந்த வாரம் தனது தாயின் இறுதிச் சடங்குக்கு விடுமுறை கேட்ட நிலையில், இதற்கு காவல் ஆய்வாளர் ரவிச்சந்திரன் தர மறுத்ததாகக் கூறப்படுகிறது. இதனால் மன அழுத்தத்தில் இருந்த தர்மன், காவலர்கள் அதிகாரிகளுடன் தொடர்பு கொள்ளக்கூடிய வாக்கி டாக்கியில் விடுமுறை தராத ஆய்வாளர் குறித்து பேசியுள்ளார். இதையடுத்து, உயர் அதிகாரிகள் அவரை நேரில் அழைத்து எச்சரித்தனர். இந்நிலையில், ஆத்திரத்தில் இருந்த ஆய்வாளர் ரவிச்சந்திரன், இருசக்கர வாகனத்தில் வந்த தர்மனை கீழே தள்ளிய சிசிடிவி காட்சிகள் வெளியானதால் பரபரப்பு ஏற்பட்டது.