சென்னையில் மெட்ரோ ரயில் பணிகள் காரணமாக அண்ணா மேம்பாலம், நுங்கம்பாக்கம் பகுதிகளில் போக்குவரத்து மாற்றம் செய்யப்பட்டுள்ளது. சென்னையில் இரண்டாம் கட்டமாக அண்ணா மேம்பாலம், நுங்கம்பாக்கம், ஸ்டெர்லிங் சாலையில் மெட்ரோ ரயில் கட்டுமான பணிகள் மேற்கொள்ளப்பட்டு வருகிறது. இதனால் மேற்குறிப்பிட்ட பகுதிகளில் போக்குவரத்து மாற்றம் செய்யப்பட்டுள்ளதாக, போக்குவரத்து காவல்துறை தெரிவித்துள்ளது. இந்த போக்குவரத்து மாற்றம் நேற்று முதல் அமலுக்கு வந்துள்ளதாகவும், இன்று வேலை நாள் என்பதால் வாகன நெரிசலின்றி செல்ல, பயணத்தை திட்டமிட்டு கொள்ளுமாறும், போலீசார் வழிகாட்டு நெறிமுறைகளை வழங்கியுள்ளனர்.