திருச்சி துவாக்குடி அரசு கலைக் கல்லூரிக்குள் மாணவர்கள் வருவதற்கு முன்பே 3 பேர், அங்கு அமர்ந்து மது அருந்தி உள்ளனர். இதை தட்டிக்கேட்ட மாணவ, மாணவிகளையும் அவர்கள் தகாத வார்த்தைகளால் பேசி மிரட்டியுள்ளனர். இதையடுத்து மாணவர்கள் அளித்த புகாரின் பேரில் வந்த போலீசார், மது போதையில் மிரட்டிய ரஞ்சித், ராஜன், கார்த்தி ஆகிய மூவரையும் காவல் நிலையத்திற்கு அழைத்து சென்று விசாரித்தனர். அவர்கள் மீதான புகார்கள் உறுதி செய்யப்பட்டதை அடுத்து, 3 பேரையும் கைது செய்து, சிறையில் அடைத்தனர். பிறகு போதை தெளிந்த பின்னர், 3 பேரும் மன்னிப்பு கேட்டனர். அந்த வீடியோவை காவல் துறை வெளியிட்டுள்ளது.