ஆதிதிராவிடர், பழங்குடியினர் மற்றும் கிறித்துவ ஆதிதிராவிடர் மாணாக்கர்களின் கல்விக்கடன் நிலுவை 48.95 கோடி ரூபாயை தள்ளுபடி செய்வதாக தமிழக‌ அரசு அறிவித்துள்ளது. கடந்த 1972-73 முதல், 2002-03 வரையிலான காலகட்டத்தில், மருத்துவம் மற்றும் அதனைச் சார்ந்த படிப்புகள் உள்பட அனைத்து படிப்புகளுக்கும் கல்விக் கடன் கொடுக்கப்பட்டது. இதேபோல், 2003-04 முதல் 2009-10 வரையிலான காலகட்டத்திலும் கல்விக் கடன் கொடுக்கப்பட்டது. கல்விக் கடன் நிலுவை 48.95 கோடி ரூபாயை வசூலிக்க சரியான பதிவேடுகள் இல்லாததாலும், சம்பந்தப்பட்ட நபர்களை அடையாளம் காண இயலாததாலும் சிறப்பினமாக கருதி கடன் முழுவதும் தள்ளுபடி செய்வதாக அரசு உத்தரவிட்டுள்ளது.