பின்னர் தனது மனைவியுடன் பெங்களூரு சென்று அங்கு பட்டு நெசவு தொழில் செய்தார். சிறுவயது முதலே தமிழின் மீது ஆர்வம் கொண்ட அவர், நேரம் கிடைக்கும்போதெல்லாம் தனது எண்ண ஓட்டங்களை கவிதைகளாக எழுதத் தொடங்கினார். கவிதை மட்டுமல்லாது பாடல்களையும் எழுதியுள்ளார் . பெங்களூரில் இருந்தால் பிள்ளைகளுக்கு தமிழ் மறந்துவிடுமோ என்ற அச்சத்தில் மீண்டும், குழந்தைகளோடு திருப்பூரில் குடியேறினார்.

வீதி வீதியாக பாத்திரம் விற்க செல்லும் ஜோதி, தான் பார்ப்பவற்றை ஒரு துண்டு காகிதத்தில் கவிதையாக எழுதிவைக்கும் பழக்கத்தை வைத்திருந்தார். இந்த சூழலில்தான் திருப்பூரை சேர்ந்த கவிஞர் ஒருவரின் அறிமுகம் மூலம் ஜோதியின் கவிதை தொகுப்புகள் ஒரு சாமானியனின் கவிதை என்ற பெயரில் புத்தகமாக வெளிவந்தது.