உடல்நிலை சரியில்லாததால் சுவாமிநாத தம்பிரான் ராஜினாமா செய்த‌தாக அண்மையில் அறிவிக்கப்பட்டது. இதையடுத்துஅவரிடம் இருந்த காவி உடை, உத்திராட்சம் உள்ளிட்டவை பறிக்கப்பட்டன. இந்த நிலையில், காசிக்கு சென்ற அவர் மீண்டும் காவி உடை அணிந்தபடி, தன்னை கட்டாயப்படுத்தி ராஜினாமா செய்ய வைத்த‌தாக வாட்ஸ் ஆப்பில் ஆடியோ ஒன்றை வெளியிட்டிருந்தார். இது தொடர்பாக செய்தியாளர்களை சந்தித்த திருவாவடுதுறை ஆதீன மடாதிபதி அம்பலவாண தேசிகர், சுவாமிநாத தம்பிரான் முழுமையாக துறவறம் மேற்கொள்ளவில்லை என்று குற்றம்சாட்டினார்.