தேனி மாவட்டம் மேற்கு தொடர்ச்சி மலை வனப் பகுதியில், அரிய வகை பட்டாம் பூச்சிகள் பார்வையாளர்களை வெகுவாக கவர்ந்து வருகின்றன. கும்பக்கரை அருவி மற்றும் கல்லாறு ஆகிய பகுதிகள் பட்டாம் பூச்சிகளின் வாழ்விடமாக மாறி வருகிறது. இங்கு மேற்கொள்ளப்பட்டு வரும் ஆய்வில், இது வரை 134 அரிய வகை பட்டாம் பூச்சிகள் கண்டறியப்பட்டுள்ளன. இந்த பகுதியில் கூட்டம் கூட்டமாக சுற்றி திரியும் பல வண்ண பட்டாம் பூச்சிகளை கண்டு சுற்றுச் சூழல் ஆர்வலர்கள் மகிழ்ச்சியடைந்துள்ளனர்.