நீலகிரி மாவட்டம் குன்னூர் அருகே, சுற்றுலாத்துறை அமைச்சர் ராமச்சந்திரனின் வாகனத்தில், தேர்தல் பறக்கும் படையினர் சோதனை செய்தனர். அமைச்சர் ராமச்சந்திரன், நீலகிரி தொகுதி திமுக வேட்பாளர் ஆ.ராசாவை ஆதரித்து தீவிர பிரச்சாரம் மேற்கொண்டு வருகிறார். இந்த நிலையில் தனது வீட்டிலிருந்து பிரசாரத்திற்கு சென்ற சுற்றுலாத்துறை அமைச்சரின் வாகனத்தை குன்னூர் அருகேயுள்ள பாரத் நகர் பகுதியில் தேர்தல் பறக்கும் படையினர் தடுத்து நிறுத்தினர். வாகனத்தில் உள்ள பைகளில் ஒவ்வொன்றாக சோதனை நடத்திய அதிகாரிகள், பின்னர் அங்கிருந்து புறப்பட்டு செல்ல அனுமதித்தனர்.