#kla #semiconductor ரூ. 3,510 கோடி முதலீடு - சென்னையில் KLA இந்தியா ஆராய்ச்சி மையம் செமிகண்டக்டர் துறையில் உலகளாவிய முன்னணி நிறுவனமான KLA Corporation-ன் துணை நிறுவனம் KLA இந்தியா, 3,510 கோடி ரூபாய் முதலீட்டில் சென்னையில் ஆராய்ச்சி, மேம்பாடு மற்றும் புத்தாக்க மையம் அமைக்க உள்ளது. இதற்கான புரிந்துணர்வு ஒப்பந்தம் தமிழ்நாடு முதலமைச்சர் மு.க.ஸ்டாலின் முன்னிலையில் கையெழுத்தானது. அதன்படி, தமிழ்நாட்டை செமிகண்டக்டர் மற்றும் மேம்பட்ட தொழில்நுட்பத் துறைகளில் முன்னணி மாநிலமாக மாற்றும் வகையில் சென்னையில் 12 ஏக்கர் பரப்பளவில் இந்த நிறுவனத்தின் உலகத்தர வளாகம் அமைக்கப்படவுள்ளது. இதன் மூலம் அடுத்த 10 ஆண்டுகளில் சுமார் 4,000 உயர்தர வேலைவாய்ப்புகள் உருவாகும் என்றும் 2030க்குள் தமிழ்நாட்டின் பொருளாதாரத்தை 1 டிரில்லியன் அமெரிக்க டாலராக உயர்த்தும் இலக்கிற்கு இந்த முதலீடு துணைபுரியும் என்றும் தெரிவிக்கப்பட்டுள்ளது.