குழந்தைகளுக்கான இலவச மற்றும் கட்டாய கல்வி உரிமை சட்டம் -2009ன்படி, சிறுபான்மையற்ற அனைத்து தனியார் பள்ளிகளிலும், நுழைவு நிலை வகுப்பில், 25 சதவீதம் ஒதுக்கீடு செய்யப் படுகிறது. தமிழகம் முழுவதும் 80 ஆயிரம் இடங்களுக்கு இரண்டு லட்சத்திற்கும் அதிகமானோர் விண்ணப்பித்துள்ளனர். அதிக விண்ணப்பங்கள் பெறப்பட்ட தனியார் பள்ளிகளில் குலுக்கல் மூலமாக மாணவர்கள் சேர்க்கை நடைபெற்றது. இதன்படி, சென்னையில் உள்ள 636 தனியார் பள்ளிகளில் குலுக்கல் முறையில் மாணவர் சேர்க்கை நடைபெறுவதாக கூறப்பட்ட நிலையில், சுமார் 8 ஆயிரம் விண்ணப்பங்கள் குவிந்தன. இந்த மாணவர் சேர்க்கை மூலம், நெருக்கடியான பொருளாதார சூழலிலும், தங்கள் பிள்ளைகளுக்கு தரமான கல்வி பெற முடிவதாக பெற்றோர்கள் மகிழ்ச்சி தெரிவிக்கின்றனர்.