கோவை மாவட்டம் துடியலூர் மகளிர் காவல் நிலையத்தில் காவல் உதவி ஆய்வாளராக பணிபுரிந்து வரும் கேத்தரின் மேரி, கடந்த சில ஆண்டுகளுக்கு முன்பு, நிலக்கோட்டையை அடுத்த அம்மையநாயக்கனூர் காவல் நிலையத்தில் பணிபுரிந்து வந்தார். அப்போது, நிலக்கோட்டை குற்றவியல் நீதிமன்றத்தில் நிலுவையில் உள்ள 3 வழக்குகளில் இவர் ஆஜராகவில்லை என்று கூறப்படுகிறது.
இதேபோல், பொள்ளாச்சி மேற்கு காவல் நிலையத்தில் காவல் ஆய்வாளராக பணிபுரிந்து வரும் ராஜேஸ்வரி, வத்தலகுண்டு காவல் நிலையத்தில் பணிபுரிந்து வந்தபோது, நிலுவையில் உள்ள 6 வழக்குகளில், நிலக்கோட்டை குற்றவியல் நீதிமன்றத்தில் ஆஜராகவில்லை என்று கூறப்படுகிறது. இவர்கள் இருவருக்கும் நிலக்கோட்டை குற்றவியல் நீதித்துறை நடுவர் நல்லகண்ணன் பிடிவாரண்டு பிறப்பித்து உத்தரவிட்டுள்ளார்.