தீபாவளியையொட்டி சென்னையில் இருந்து இயக்கப்பட்ட பேருந்துகளில் 5.76 லட்சம் பேர் பயணம் செய்திருப்பதாக போக்குவரத்துத்துறை தெரிவித்துள்ளது. அக்டோபர் 28ம் தேதி தொடங்கி 3 நாட்களில் 10 ஆயிரத்து 784 பேருந்துகள் இயக்கப்பட்டதாகவும் தெரிவிக்கப்பட்டுள்ளது. அதுபோல் பிற ஊர்களில் இருந்து சென்னைக்கு திரும்ப நாளையில் இருந்து 4 ஆம் தேதி வரையில் வழக்கமான 2 ஆயிரத்து 92 பேருந்துகளோடு மூவாயிரத்து165 சிறப்பு பேருந்துகளும், ஏனைய பிற முக்கிய ஊர்களிலிருந்து மூவாயிரத்து 405 பேருந்துகளும் என மொத்தம் 12 ஆயிரத்து 846 பேருந்துகள் இயக்கப்படும் எனவும் தெரிவிக்கப்பட்டுள்ளது.