தென்காசி அருகே தனியார் பேருந்தும் லாரியும் நேருக்கு நேர் மோதிக்கொண்ட விபத்தில் குழந்தை உள்பட 3 பேர் உயிரிழந்தனர். பேருந்தில் பயணம் செய்த பலர் படுகாயமடைந்த நிலையில் உயிருக்கு போராடிய ஒரு குழந்தை மற்றும் பெண்ணை தென்காசி போக்குவரத்து காவல் ஆய்வாளர் மணி தனது வாகனத்தில் ஏற்றி சென்று அரசு மருத்துவமனையில் அனுமதித்தார். இருவருக்கும் தீவிர சிகிச்சை அளிக்கப்பட்டு வருகிறது. காவல் ஆய்வாளரின் செயல் நெகிழ்ச்சியை ஏற்படுத்திய நிலையில் இது தொடர்பான வீடியோ சமூக வலைதளங்களில் பரவிவருகிறது.