தமிழக தலைமை தகவல் ஆணையர் பதவிக்கு தகுதியானவர்கள் ஆகஸ்ட் மாதம் 13ஆம் தேதிக்குள் விண்ணப்பிக்கலாம் என தமிழக அரசு அறிவித்துள்ளது. தமிழக தலைமை தகவல் ஆணையராக இருந்த ஷீலா பிரியா ஓய்வு பெற்றதையடுத்து புதிய ஆணையர் தேர்வு செய்யப்படவுள்ளார். 5 ஆண்டு பதவிக்காலம் கொண்ட இந்த பதவிக்கு விண்ணப்பிக்கும் நபர் நாடாளுமன்ற, சட்டமன்ற உறுப்பினராகவோ, அரசியல் கட்சியில் உள்ளவராகவோ, ஆதாயம் தரும் பதவிகளில் உள்ளவராகவோ இருக்கக்கூடாது என்று தேர்வுக்குழு தெரிவித்துள்ளது. மேலும், பொதுமக்கள் வாழ்க்கை முறையை நன்கு அறிந்தவர்கள், சட்டத்தில் முன் அனுபவம் கொண்டவர்கள், அறிவியல், தொழில்நுட்பம், நிர்வாகம், உள்ளிட்டவற்றில் சிறந்து விளங்குபவர்கள் இந்த பதவிக்கு விண்ணப்பிக்கலாம் எனவும் தெரிவிக்கப்பட்டுள்ளது.