தமிழுக்காகவும், தமிழர் நலனுக்காகவும் தி.மு.க. எம்பிக்கள் நாடாளுமன்றத்தில் முழக்கம் எழுப்பி வருவதாக அக்கட்சி தலைவர் ஸ்டாலின் பெருமிதம் தெரிவித்துள்ளார். சென்னை அடையாறில் நடைபெற்ற புத்தக வெளியீட்டு விழாவில் பேசிய அவர், பெரியார் தமிழரா, அவர் தமிழுக்கு என்ன செய்தார் என்று கேள்வி எழுப்புவோர் இவர்தாம் பெரியார் என்ற நன்னனின் புத்தகத்தை படிக்க வேண்டும் என்றார். தபால்துறை தேர்வு, ரயில்வே துறை சுற்றறிக்கை, உச்ச நீதிமன்ற தீர்ப்புகளை தமிழில் வெளியிடுவது உள்ளிட்ட விவகாரங்களில் திமுக வெற்றி பெற்றுள்ளதாக ஸ்டாலின் குறிப்பிட்டார்.