செங்கல்பட்டு மாவட்டம் புதுப்பட்டினம் பகுதியை சேர்ந்த 6 மீனவர்கள், மீன்பிடிக்க கடலுக்கு சென்றுள்ளனர். ஆழ்கடலில் அவர்கள் மீன்பிடித்த நிலையில், அவர்கள் சென்ற படகின் என்ஜின் பழுதாகியுள்ளது. இதனால் 6 பேரும் கடலிலேயே உணவு எதுவுமின்றி தவித்துள்ளனர். இதனிடையே கடலுக்கு சென்றவர்கள் திரும்பாததால் சந்தேகமடைந்த உறவினர்கள், போலீசாரை நாடியுள்ளனர். அதனைத்தொடர்ந்து கடலோர காவல்படையினர் தேடியபோது மீனவர்கள் கிடைக்கவில்லை. இந்தநிலையில் புதுப்பட்டினம், உய்யாலிகுப்பம், சதுரங்கப்பட்டினம் ஆகிய கிராமங்களை சேர்ந்த மீனவர்கள், ஆழ்கடல் பகுதியில் தீவிர தேடுதலில் ஈடுட்டு, படகில் மயங்கிய நிலையில் இருந்த 6 பேரையும் 30 மணி நேரத்துக்கு பின் மீட்டனர்.