கும்பகோணத்தில் நடிகர் சிவாஜி கணேசனின் சிலையை அமைக்க, சிவாஜி ரசிகர்கள் கோரிக்கை விடுத்துள்ளனர். சிவாஜி கணேசனின் 18வது நினைவு நாளான இன்று, கும்பகோணத்தில் சிவாஜி ரசிகர்களால் நினைவஞ்சலிக்கு ஏற்பாடு செய்யப்பட்டிருந்தது. இதில், மகாமக குளத்தருகே அலங்கரிக்கப்பட்ட நடிகர் சிவாஜி கணேசனின் உருவப்படத்திற்கு, ரசிகர்கள் மலர் தூவி அஞ்சலி செலுத்தினர். தொடர்ந்து தேங்காய் உடைத்து, 2 நிமிடம் மெளன அஞ்சலி செலுத்தினர். இந்த நிகழ்ச்சியில் பங்கேற்ற ஏராளமான ரசிகர்கள் சிவாஜியின் சிலையை கும்பகோணத்தில் நிறுவ வேண்டும் என கோரிக்கை வைத்தனர்.