"கீழே விழுந்ததில் இடுப்பு எலும்பு முறிந்துவிட்டது, அறுவை சிகிச்சைக்குப் பின்னர் நலமாக இருக்கிறேன் என, பாடகி எஸ்.ஜானகி தெரிவித்துள்ளார். மைசூருவில் உள்ள உறவினர் ஒருவரின் வீட்டு திருமண நிகழ்ச்சியில் கலந்துகொள்ள வந்த ஜானகி, குளியல் அறையில் வழுக்கி விழுந்து, தனியார் மருத்துவமனையில் அனுமதிக்கப்பட்டார். சிகிச்சைக்குப் பின்னர் வீடு திரும்பிய ஜானகி, கீழே விழுந்ததில் இடுப்பு எலும்பு முறிந்துவிட்டது என்றும், அறுவை சிகிச்சைக்குப் பின்னர் நலமாக இருப்பதாகவும் தெரிவித்தார். தாம், நலம்பெற பிரார்த்தனையில் ஈடுபட்ட ரசிகர்களுக்கு நன்றி தெரிவித்துக் கொண்டார்.