மலேசியாவில் நடைபெற்ற சிலம்பாட்ட போட்டியில் பதக்கம் வென்ற ஊர் திரும்பிய ராமநாதபுரம் மாணவ, மாணவிகளுக்கு சிறப்பான வரவேற்பு அளிக்கப்பட்டது. மலேசிய தலைநகர் கோலாலம்பூரில் கடந்த 14 ,15 ஆகிய தேதிகளில் சர்வதேச சிலம்ப சாம்பியன்ஷிப் போட்டி நடைபெற்றது. சீனா, தாய்லாந்து உள்ளிட்ட 8 ஆசிய நாடுகளை சேர்ந்த மாணவ, மாணவிகள் பங்கேற்ற இந்த போட்டியில் இந்தியா சார்பாக போட்டியிட்ட ராமநாதபுரத்தை சேர்ந்த மாணவ, மாணவிகள் தங்கம், வெள்ளி உள்ளிட்ட பதக்கங்களை வென்றனர். சொந்த ஊர் திரும்பிய அவர்களுக்கு ஊர்மக்கள் சிறப்பான வரவேற்பு அளித்தனர்.