புளியங்குடியை சேர்ந்த காட்டுராஜா என்பவர், தன் வீட்டின் அருகே விளையாடிக் கொண்டிருந்த சிறுமிகளிடம் இவ்வாறு பாலியல் ரீதியாக அத்துமீறியதாக கூறப்படுகிறது. இந்நிலையில், good touch மற்றும் bad touch குறித்து மாணவிகளுக்கு பள்ளியில் பாடமெடுத்த ஆசிரியர்கள், இவ்வாறு தங்களிடம் யாரேனும் தவறாக நடந்து கொண்டால் பெற்றோரிடம் தெரிவிக்க வேண்டுமெனவும் கூறியிருக்கின்றனர். இதனடிப்படையில், தங்களுக்கு நேர்ந்ததை பெற்றோரிடம் சிறுமிகள் தெரிவித்ததை அடுத்து, போலீசில் புகாரளிக்கப்பட்டது. இதையடுத்து, டாஸ்மாக்கில் சூப்பர்வைசராக பணியாற்றி வந்த காடுராஜா மீது போக்சோ பிரிவின் கீழ் வழக்குபதிவு செய்த போலீசார், அவரை கைது செய்த நிலையில், விசாரணை நடத்தி வருகின்றனர்.