சென்னையில் உள்ள பத்மா சேஷாத்ரி பள்ளி ஆசிரியர் ராஜகோபாலன் மீதான பாலியல் புகாரைத்தொடர்ந்து, பல பள்ளிகளை சேர்ந்த ஆசிரியர்கள் மீது புகார்கள் வந்தபடி உள்ளதாக அந்த ஆணையம் தெரிவித்துள்ளது. சென்னையில், ஏற்கனவே 3 பள்ளிகளை சேர்ந்த ஆசிரியர்கள் மீது நடவடிக்கை எடுக்கப் பட்டுள்ள நிலையில், தற்போது மேலும் 3 பள்ளிகளை சேர்ந்த ஆசிரியர்கள் மீது பாலியல் புகார்கள் வந்திருப்பதாக தெரிவித்திருக்கிறது. இதுதொடர்பாக விரைவில் அந்தப் பள்ளிகளின் நிர்வாகத்தினருக்கும் சம்பந்தப்பட்ட ஆசிரியர்களுக்கும் சம்மன் அனுப்பப்படும் என்றும் குழந்தைகள் உரிமை பாதுகாப்பு ஆணையம் தெரிவித்துள்ளது.