சென்னையில், மாணவர்களுக்கு எதிரான பாலியல் துன்புறுத்தல்களை தடுப்பது குறித்த கருத்தரங்கு நடைபெற்றது. கல்வி அமைச்சர் அன்பில் மகேஷ், விழிப்புணர்வு கையேட்டை வெளியிட்டார். பின்னர் பேசிய அமைச்சர், பாலியல் துன்புறுத்தல் பிரச்சினைகளை தடுக்க என்ன நடவடிக்கை மேற்கொண்டாலும் ஏதேனும் ஒரு சம்பவம் நிகழ்ந்துவிடுவதாக வருத்தம் தெரிவித்தார். இது குறித்து போதிய விழிப்புணர்வு ஏற்படுத்த திட்டமிடப்பட்டுள்ளதாக கூறினார். தொடர்ந்து பேசிய பள்ளிகல்வித்துறை செயலாளர் மதுமதி, மாணவர்களுக்கு எதிரான பாலியல் துன்புறுத்தல் பிரச்சினை மூடி மறைக்க கூடாது எனவும் தைரியமாக வெளிக் கொண்டு வர வேண்டும் எனவும் பள்ளி நிர்வாகங்களுக்கு அறிவுறுத்தினார்.