தமிழகத்தில் உள்ளாட்சி தேர்தலை உடனடியாக நடத்த உத்தரவிடக்கோரி வழக்கறிஞர் ஜெய்சுகின் என்பவர் வழக்கு தொடர்ந்துள்ளார். உச்சநீதிமன்ற தலைமை நீதிபதி அமர்வு முன்பு விசாரணை நடைபெற்று வருகிறது. இந்த வழக்கை வேறு தேதிக்கு மாற்ற வேண்டும் என தமிழக அரசு கடிதம் மூலம் ஏற்கனவே கோரிக்கை விடுத்திருந்தது. இந்நிலையில் இவ்வழக்கு இன்று மீண்டும் விசாரணைக்கு வந்த போது இரண்டரை ஆண்டு காலமாக தமிழகத்தில் உள்ளாட்சி தேர்தல் நடத்தப்படாமல் உள்ளதால் பணிகள் பாதிக்கப்பட்டுள்ளதாக மனுதாரர் தரப்பில் வாதிடப்பட்டது. இதையடுத்து தமிழகத்தில் இதுவரை ஏன் உள்ளாட்சி தேர்தல் நடத்தவில்லை? என நீதிபதிகள் கேள்வி எழுப்பினர்.