சென்னை கோவிலம்பாக்கத்தில் உள்ள தனியார் திருமண மண்டபத்தில், தமிழ்நாடு தனியார் தண்ணீர் லாரி உரிமையாளர்கள் சங்கம் சார்பில் அவசர ஆலோசனை கூட்டம் நடைபெற்றது. கூட்டத்திற்கு பிறகு செய்தியாளர்களிடம் பேசிய அச்சங்கத்தின் தலைவர் நிஜலிங்கம், நிலத்தடியில் இருந்து தண்ணீர் எடுக்க முறையான அனுமதி வழங்க கோரி வருகிற புதன்கிழமை 30- ம் தேதி முதல் காலவரையற்ற வேலை நிறுத்த போராட்டத்தில் ஈடுபட போவதாக அறிவித்தார். தங்கள் கோரிக்கைகளை வலியுறுத்தி, முதற்கட்டமாக சென்னை, செங்கல்பட்டு, காஞ்சிபுரம், திருவள்ளூர் ஆகிய 4 மாவட்டங்களில் 15 ஆயிரத்திற்கும் மேற்பட்ட தண்ணீர் லாரிகள் ஓடாது என அவர் கூறினார்.