மேல வயலி கிராமத்தில் உள்ள சந்தன மாரியம்மன் கோவிலில் திருவிழா நடத்துவது தொடர்பாக ஒரே சமூகத்தைச் சேர்ந்த இரு தரப்பினரிடையே நீண்ட நாட்களாக பிரச்சனை இருந்து வந்ததாக கூறப்படுகிறது இந்த நிலையில் இருதரப்பினரும் ஒரே தேதியில் திருவிழா நடத்த முயன்றதால் சங்கரன்கோவில் வட்டாட்சியர் அலுவலகத்தில் சமாதான கூட்டம் நடைபெற்றது. அப்போது திடீரென இரு தரப்பினரும் வாக்குவாதத்தில் ஈடுபட்டு ஒருவரை ஒருவர் மாறி மாறி தாக்கிக் கொண்டனர். இதுதொடர்பான வீடியோ சமூக வலைதளங்களில் வெளியாகி அதிர்ச்சியை ஏற்படுத்தியது.