ஆக்சிஜன் பற்றாக்குறை ஏற்படாமல் இருக்க சிஎஸ்ஆர் நிதிப் பங்களிப்பில் தமிழகத்தில் 26 ஆக்ஸிஜன் உற்பத்தி அலகுகள் அமைக்கப்பட்டு பயன்பாட்டிற்கு கொண்டு வரப்பட்டுள்ளன. கூடுதலாக 59 உற்பத்தி அலகுகளை நிறுவும் பணி மேற்கொள்ளப்பட்டு வருகிறது

இதோடு, PM CARES நிதி மூலமாக வரும் 15ஆம் தேதிக்குள் கூடுதலாக 70 ஆக்சிஜன் உற்பத்தி அலகுகளை நிறுவ நடவடிக்கை எடுக்கப்பட்டுள்ளது. இதன்மூலம் 155 அலகுகள் வாயிலாக அரசு மருத்துவமனைகளில் 180 மெட்ரிக் டன் ஆக்ஸிஜன் நேரடியாக உற்பத்தி செய்ய முடியும் என கூறப்படுகிறது

இதைத் தவிர ஆக்சிஜன் உற்பத்தி ஆலைகளிடமிருந்து நேரடியாக 444 மெட்ரிக் டன் வரை ஆக்சிஜன் கிடைக்கும் என்பதால்,ஒட்டுமொத்த ஆக்சிஜன் கையிருப்பு 600 டன்னாக உயர்த்த முடியும் என கூறப்பட்டுள்ளது. அத்துடன், மத்திய அரசு கடந்த முறை வழங்கியது போன்று 200 மெட்ரிக் டன் ஆக்சிஜனை வழங்கினால் மூன்றாவது அலை வந்தாலும் சமாளித்துவிடலாம் என்பது சுகாதாரத்துறையின் நம்பிக்கை.