விழுப்புரம், கள்ளக்குறிச்சி மாவட்டங்களில் உள்ள அரசு அலுவலகங்களில் தொடர்ந்து லஞ்ச ஒழிப்பு போலீசார் திடீர் சோதனையில் ஈடுபட்டு வருகின்றனர். அண்மையில், அரகண்டநல்லூர் சார்- பதிவாளர் அலுவலகத்தில் கணக்கில் வராத 70 ஆயிரம் ரூபாய் கைப்பற்றப்பட்டது. இத்தகைய சூழலில் திருக்கோவிலூர் சார்-பதிவாளர் அலுவலகத்தில் திருஷ்டி கழிப்பு நடந்தது தொடர்பான வீடியோ வெளியாகி சர்ச்சையை ஏற்படுத்தியுள்ளது. சிறப்பு பூஜையில் திருக்கோவிலூர் சார்-பதிவாளர் உள்ளிட்ட அலுவலர்கள் பங்கேற்றுள்ளனர். லஞ்ச ஒழிப்புத்துறை சோதனை நடைபெறாமல் இருக்கவும், அப்படி நடைபெற்றால் அதில் சிக்காமல் இருக்கவும் சிறப்பு பூஜை நடைபெற்றதாக குற்றச்சாட்டு எழுந்துள்ளது.