2016ம் ஆண்டு ஐபிஎல் இறுதிப்போட்டியில் பெங்களூரு தோல்வி அடைந்ததற்கு ரசிகர்களிடம் ஷேன் வாட்சன் மன்னிப்பு கோரியுள்ளார். 2016ம் ஆண்டு பெங்களூரு அணியில் வாட்சன் விளையாடினார். ஹைதராபாத் உடனான இறுதிப்போட்டியில் 4 ஓவர்களை வீசிய வாட்சன் 61 ரன்களை வழங்கியதோடு, பேட்டிங்கிலும் தடுமாறினார். இந்நிலையில், இதற்கு ரசிகர்களிடம் மன்னிப்பு கேட்ட வாட்சன், அன்றைய தினம் சிறப்பான நாளாக இருக்க வேண்டும் என நினைத்ததாகவும், ஆனால் அதுவே தனது மோசமான நாளாக மாறிவிட்டது என்றும் கூறினார்.