ராமேஸ்வரம் ராமநாதசாமி கோயிலில் மகா சிவராத்திரி திருவிழா கோலாகலமாக நடைபெற்று வருகிறது. திருவிழாவின் பத்தாம் நாளான நேற்று, தீர்த்தவாரி உற்சவம் சிறப்பாக நடைபெற்றது. மாசி அமாவாசையை முன்னிட்டு ராமநாதசாமியும், பர்வதவர்த்தினி அம்பாளும் தங்க ரிஷப வாகனத்தில் அக்னி தீர்த்த கடலில் எழுந்தருளினர். அங்கு நடைபெற்ற தீர்த்தவாரி உற்சவத்தில், திரளான பக்தர்கள் கலந்துகொண்டு வழிபட்டனர்.