திருநாகேஸ்வரம் நாகநாத சுவாமி கோயிலில் ராகு பெயர்ச்சி விழா லட்சார்ச்சனை ஏற்பாடுகள் தீவிரமடைந்துள்ளன. நாக அரசராகிய ராகு வழிபட்டதால் இத்தலத்திற்கு திருநாகேஸ்வரம் என்ற பெயர் வந்ததாகவும், இங்கு தன்னை வழிபடுவோர்க்கு பல நன்மைகளை ராகு வழங்குவதாக கூறப்படுகிறது. இத்தகைய சிறப்பு வாய்ந்த ராகு பகவான் மாசி மாதம் 1-ஆம் நாள், அதாவது பிப்ரவரி 13ம் தேதி கடக ராசியிலிருந்து மிதுன ராசிக்கு பெயர்ச்சி அடைகிறார். இதையொட்டி சிறப்பு ஹோமங்கள், வழிபாடுகள் நடைபெற உள்ளன. ஏராளமாக பக்தர்கள் வருவார்கள் என எதிர்பார்க்கப்படுவதால், அதற்கான சிறப்பு ஏற்பாடுகளை நிர்வாகம் விரைவுபடுத்தியுள்ளது.