வட சென்னை திரைப்பட பாணியில் புழல் மத்திய சிறைச்சாலை கழிவறையில் செல்போன்கள் மறைத்து வைக்கப்பட்டிருந்ததை போலீசார் பறிமுதல் செய்தனர். சென்னை மத்திய புழல் சிறையில் செல்போன்கள், கஞ்சா உள்ளிட்ட போதை பொருட்களை கைதிகள் பயன்படுத்தி வருவதாக புகார்கள் எழுந்தன. இந்நிலையில் புழல் உதவி கமிஷனர் வெங்கடேசன் தலைமையில் 80க்கும் மேற்பட்ட போலீசார் சோதனையில் ஈடுபட்டனர் அப்போது விசாரணை கைதிகள் இருக்கும் அறை மற்றும் கழிவறையில் , மறைத்து வைக்கப்பட்டிருந்த செல்போன்கள் பறிமுதல் செய்யப்பட்டன. செல்போன்கள் சிறைச்சாலைக்கு வந்தது எப்படி என போலீசார் விசாரணை மேற்கொண்டு வருகின்றனர்.