புதுக்கோட்டை மாவட்டத்தில் அறந்தாங்கி அருகில் உள்ள குளமங்கலம் கிராமத்தில் வில்லுனி ஆற்றங்கரையில் அமைந்துள்ளது பெருங்காரையடி மீண்ட அய்யனார் கோயில். இக்கோயில் முன்பு அமைந்துள்ள 33 அடி உயர பிரமாண்ட குதிரை சிலை தான் அந்த ஊரின் அடையாளம் என்றே சொல்லலாம். அய்யனாரின் வாகனம் குதிரை என்பதால் சுற்றுவட்டார கிராம மக்கள் மாசி மகத்திருவிழாவில் காகிதப் பூவில் மாலை செய்து பிரமாண்ட குதிரை சிலைக்கு அணிவிப்பதை வழக்கமாக கொண்டுள்ளனர்.