தமிழகத்தில் 5 மற்றும் 8ஆம் வகுப்பு மாணவர்களுக்கு பொதுத் தேர்வு நடத்த இருப்பதாக தகவல்கள் வெளியாகியுள்ளன . இதை உறுதி செய்யும் வகையில் மாவட்ட முதன்மைக் கல்வி அலுவலர்கள் பல்வேறு ஏற்பாடுகளை செய்து வருகின்றனர். இந்த விவகாரம் பெரிய சர்ச்சையை ஏற்படுத்தி உள்ளது.
இதுதொடர்பாக அண்ணா பல்கலைக்கழக முன்னாள் துணைவேந்தரும், கல்வியாளருமான ஆனந்தகிருஷ்ணன், தந்தி தொலைக்காட்சிக்கு அளித்த பேட்டியில், 5 மற்றும் 8ஆம் வகுப்பு மாணவர்களுக்கு தேர்வு நடத்துவது தேவையற்றது என்றும், அதற்கு பதிலாக மாணவர்களின் திறனை சோதிப்பதற்கு வேறு முறைகளை கையாளலாம் என்றும் தெரிவித்துள்ளார்.