நெல்லை மாவட்டம் பாபநாசத்தில் அமைந்துள்ள பிரசித்திபெற்ற சொரிமுத்து அய்யனார் கோயிலுக்கு பக்தர்கள் படையெடுத்த நிலையில், போலீசார் தடுத்து நிறுத்தினர். வரும் 16ம் தேதி ஆடி அமாவாசையை முன்னிட்டு, வரும் 14ம் தேதி முதல் 18ம் தேதி வரை இக்கோயிலில் தங்க மாவட்ட நிர்வாகம் அனுமதி அளித்துள்ளது. இந்நிலையில், இன்றுமுதலே பக்தர்கள் வாகனங்களில், அடுப்பு, பாத்திரம் மற்றும் உடைமைகளுடன் கோயிலுக்கு வருகை தருகின்றனர். போலீசார் இதற்கு அனுமதி மறுத்ததால், சாலை மறியலில் ஈடுபட்டனர். உண்ணாவிரதம் இருந்த ஒருவரை போலீசார் அழைத்துச் சென்றனர். இதனால் பாபநாசத்திலேயே தங்கஉடைமைகளை வைத்துக்கொண்டு சாலையோரமாக தங்கியுள்ளனர்.