குமரி மாவட்டம் நாகர்கோவில் மாவட்ட ஆட்சியர் அலுவலகத்தின் அருகே பிரபல உணவுக் கடையில், இளம்பெண் ஒருவர் ஆன்லைனில் பீட்சா ஆர்டர் செய்துள்ளார். அப்போது அதில் தனது மொபைல் எண்ணை பதிவு செய்ய வேண்டியிருந்ததால், தனது எண்ணை பதிவு செய்துள்ளார். பின்னர் ஆர்டர் செய்த பீட்சாவை சாப்பிட்டு முடித்த பின்னர், சில மணி நேரத்திற்கு பிறகு அவரது செல்போன் எண்ணுக்கு அழைப்பு வந்துள்ளது...

அதில் பேசிய இளைஞர், உங்களை பார்க்க வேண்டும், பேச வேண்டும் எனக் கூறி இருக்கிறார். உடனே அழைப்பை துண்டித்து ப்ளாக் செய்தாலும் தொடர்ந்து மற்றொரு எண்ணில் இருந்து அழைப்பு வந்து கொண்டே இருந்துள்ளது. பின்னர் சுதாரித்துக் கொண்ட அந்த இளம்பெண், பீட்சா ஆர்டர் செய்த கடையில் இருந்த யாரோ தனக்கு டார்ச்சர் கொடுப்பதை அறிந்து கொண்டார்.