ராமநாதபுரம் மாவட்டம், பரமக்குடியில் இருசக்கர வாகனத்தில் சென்றபோது, செல்போன் வெடித்து இளைஞர் உயிரிழந்த சம்பவம் அதிர்ச்சியை ஏற்படுத்தியுள்ளது.
பரமக்குடியை அடுத்த ஓட்டப் பாலத்தைச் சேர்ந்த ரஜினி என்பவர் தனது நண்பர் பாண்டியுடன் மதுரைக்கு இருசக்கர வாகனத்தில் சென்று விட்டு திரும்பி வந்து கொண்டிருந்தார்.
கமுதக்குடி அருகே வந்து கொண்டிருந்தபோது, அவருடைய பேண்ட் பாக்கெட்டில் வைத்திருந்த செல்போன் திடீரென வெடித்து சிதறியது.
இதனால் அதிர்ச்சி அடைந்து இருசக்கர வாகனம் நிலைதடுமாறி கீழே விழுந்ததில் ரஜினி சம்பவ இடத்திலேயே உயிரிழந்தார்.
உடன் வந்த நண்பர் பாண்டி லேசான காயங்களுடன் மீட்கப்பட்டு பரமக்குடி அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.
இந்த விபத்து குறித்து பரமக்குடி நகர் போலீசார் விசாரணை மேற்கொண்டு வருகின்றனர்.