சர்வதேச சந்தையில் கச்சா எண்ணெயின் விலை உயர்வு அமெரிக்க டாலருக்கு நிகரான இந்திய ரூபாயின் மதிப்பு வீழ்ச்சி உள்ளிட்ட காரணங்களால் கடந்த அக்டோபர் மாதம் வரையில் பெட்ரோல், டீசல் விலை வரலாறு காணாத உச்சத்தை தொட்டு வந்தது. 80 ரூபாயையும் தாண்டி விலை ஏறிக் கொண்டிருந்ததால் வாகன ஓட்டிகளும் பொதுமக்களும் அதிர்ச்சி அடைந்தனர். இந்தநிலையில் கடந்த சில வாரங்களாக, பெட்ரோல் டீசல் விலை பத்து ரூபாய்க்கும் அதிகமாக குறைந்துள்ளது. சென்னையில், இன்று ஒரு லிட்டர் பெட்ரோல், 75 ரூபாய் 62 காசுகளுக்கு விற்கப்படுகிறது. இது நேற்றைய விலையை விட 39 காசுகள் குறைவு. இதேபோல, டீசலும், லிட்டருக்கு 43 காசுகள் குறைந்து 71 ரூபாய் 52 காசுகளுக்கு விற்பனையாகிறது. தொடர்ந்து விலை குறைந்து வருவதால் வாகன ஓட்டிகளும் பொதுமக்களும் நிம்மதி அடைந்துள்ளனர்.