* சர்வதேச சந்தையில் கச்சா எண்ணைய் விலை மற்றும் அமெரிக்க டாலருக்கு நிகரான இந்திய ரூபாயின் மதிப்பு வீழ்ச்சி காரணமாக பெட்ரோல், டீசல் விலை உயர்ந்து வருகிறது.
* இந்நிலையில், மத்திய அரசு பெட்ரோல், டீசல் மீதான வரியை அண்மையில் 2 ரூபாய் 50 காசுகள் குறைத்தது.
* மாநில அரசுகளும் பெட்ரோல், டீசல் மீதான வரியை குறைக்க வேண்டும் என, மத்திய அரசு கேட்டுக்கொண்டதால், பாஜக ஆளும் மாநிலங்களில் பெட்ரோல், டீசல் விலை 5 ரூபாய் வரை குறைக்கப்பட்டது.
* இருந்தாலும், பெட்ரோல், டீசல் விலையை எண்ணெய் நிறுவனங்கள் தொடர்ந்து உயர்த்தி வருகின்றன.
* சென்னையில் இன்று ஒரு லிட்டர் பெட்ரோல் விலை 22 காசுகள் உயர்ந்து, 85 ரூபாய் 26 காசாகவும், டீசல் விலை 31 காசுகள் உயர்ந்து, 78 ரூபாய் 4 காசாகவும் விற்பனை செய்யப்படுகிறது.