பேரறிவாளன் உள்பட 7 பேரின் விடுதலை தொடர்பாக மத்திய உள்துறை அமைச்சகத்திற்கு, தமிழக ஆளுநர் பன்வாரிலால் புரோகித் அறிக்கை தாக்கல் செய்துள்ளார். கடந்த 9ஆம் தேதி நடைபெற்ற அமைச்சரவை கூட்டத்தில் 7 பேரின் விடுதலை குறித்து ஆளுநருக்கு பரிந்துரை செய்ய முடிவெடுக்கப்பட்டது. அதன் அடிப்படையில் 7 பேருக்கும் தனித்தனியே கோப்புகள் தயார் செய்து, தமிழக அரசு தனது பரிந்துரையை ஆளுநருக்கு அனுப்பி வைத்தது. இந்நிலையில், அமைச்சரவையின் பரிந்துரை தொடர்பாக சட்ட வல்லுநர்களிடம் ஆலோசனை நடத்திய ஆளுநர் பன்வாரிலால் புரோகித், மத்திய உள்துறை அமைச்சகத்திற்கு அறிக்கை தாக்கல் செய்துள்ளார்.