கடலூர் மாவட்டம், திருச்சோபுரத்தில் அருவாமூக்கு திட்டத்தின் தொடக்க விழா நடைபெற்றது. இத்திட்டத்தை அமைச்சர் எம்.ஆர்.கே. பன்னீர்செல்வம் அடிக்கல் நாட்டி தொடங்கி வைத்தார். மழை காலங்களில் ஏற்படும் வெள்ளப்பெருக்கால் கரையோரம் வசிக்கும் 24 கிராமங்களைச் சேர்ந்த மக்கள் பாதிக்கப்படாத வகையில் இத்திட்டம் செயல்படுத்தப்படவுள்ளது. இதற்காக தமிழக அரசு சார்பில் 81 புள்ளி 12 கோடி ரூபாய் நிதி ஒதுக்கப்பட்டுள்ளது குறிப்பிடத்தக்கது.