திருச்சி
திருச்சி மத்திய பேருந்து நிலையம் அருகே நடைபெற்ற ஆர்ப்பாட்டத்தில்,
ஆன்லைன் வர்த்தகத்துக்கு தடை கோரி முழக்கங்கள் எழுப்பப்பட்டது. இதில் பல்வேறு வணிகர் சங்கத்தினர், வர்த்தகர்கள் கலந்து கொண்டனர்.
புதுக்கோட்டை
புதுக்கோட்டையில் நடைபெற்ற ஆர்ப்பாட்டத்தில், 200 க்கும் மேற்பட்ட வணிகர்கள் கலந்து கொண்டனர். மத்திய மாநில அரசுகள் ஆன்லைன் வர்த்தகத்திற்கு தடை விதிக்க வேண்டும் என கோஷங்கள் எழுப்பப்பட்டன.
காஞ்சிபுரம்
காஞ்சிபுரம் மற்றும் செங்கல்பட்டு அனைத்து வணிகர்கள் பொது நல சங்கம் சார்பில், மதுராந்தகத்தில் ஆர்ப்பாட்டம் நடைபெற்றது. இதையொட்டி அங்கு 500க்கும் மேற்பட்ட கடைகள் அடைக்கப்பட்டிருந்தன.
திருப்பத்தூர்
திருப்பத்தூர் மாவட்டம், திருப்பத்தூரில் நடந்த கண்டன ஆர்ப்பாட்டத்தில்,
ஏராளமான வர்த்தகர்கள் பங்கேற்றனர். ஆர்ப்பாட்டத்தையொட்டி, முக்கிய பகுதிகளில் கடைகள் அடைக்கப்பட்டதால், சாலைகள் வெறிச்சோடி காணப்பட்டது