ராணிப்பேட்டை மாவட்டம் மாசப்பேட்டை பகுதியைச் சேர்ந்தவர் கோவிந்தராஜ். இவர் தனது வீட்டின் முன்பு 50 ஆண்டுகளாக இருக்கும் டிரான்ஸ்பார்மரை, வேறு இடத்திற்கு மாற்றும்படி ஆற்காடு மின்வாரிய அலுவலகத்தில் மனு அளித்துள்ளார். அப்போது டிரான்ஸ்பார்மரை மாற்ற 5 லட்சம் ரூபாய் வரை செலவாகும் என உதவி செயற்பொறியாளர் தனலட்சுமி தெரிவித்ததாகவும், அதற்கு முன்பணமாக 4 ஆயிரத்து 500 ரூபாயை கோவிந்தராஜிடம் பெற்றதாகவும் கூறப்படுகிறது. இந்நிலையில், மீதப்பணத்தை கோவிந்தராஜ் வழங்க மறுத்த நிலையில், தனலட்சுமி முன்பணத்தை திருப்பி கொடுப்பது தொடர்பான வீடியோ வெளியாகி வைரலாக பரவி வருகிறது.