விடுதலை புலிகள் தலைவர் பிரபாகரனை, நாம் தமிழர் கட்சியின் ஒருங்கிணைப்பாளர் சீமான், அவதூறாகவும், கொச்சைப்படுத்தியும் பலமுறை பேசியுள்ளதாக, நடிகை விஜயலட்சுமி குற்றம்சாட்டியுள்ளார். இதுதொடர்பாக வீடியோ வெளியிட்ட அவர், சீமான் பலமுறை பிரபாகரனை உருவ கேலி செய்ததாகவும், கடந்த 2011-ல் அதற்கான ஆடியோ ஆதாரங்களை காவல்துறையினரிடம் வழங்கியதாகவும் தெரிவித்தார். மேலும், அனைவரையும் அழித்து, மக்களிடம் ஓட்டு கேட்டு முதலமைச்சராகி விடலாம் என சீமான் நினைப்பதாகவும், அவருக்கு மக்கள் பாடம் புகட்டுவார்கள் எனவும் விஜயலட்சுமி குறிப்பிட்டார்.