டென்மார்க்கில் நடைபெற்றுவரும் சர்வதேச தீயணைப்பு வீரர்களுக்கான தடகள போட்டியில் நெல்லை தீயணைப்பு துறைவீரர் 4 தங்க பதக்கங்களை வென்று சாதனை படைத்துள்ளார். திருநெல்வேலி மாவட்டம் நாஞ்சான்குளத்தை சேர்ந்த தீயணைப்பு துறைவீரர் மாரியப்பன் டென்மார்க்கில் நடைபெற்று வரும் தடகள போட்டிகளில் பங்கேற்று 4 தங்க பதக்கங்களை பெற்றுள்ளார். டென்மார்க்கில் நடைபெறும் சர்வதேச தீயணைப்பு வீரர்களுக்கான தடகள போட்டியில் இந்தியா சார்பில் பல்வேறு மாநிலங்களில் இருந்து 10 பேர் தேர்வு செய்யப்பட்ட நிலையில் தமிழகத்தில் இருந்து மாரியப்பன் மட்டும் தேர்வு செய்யப்பட்டிருந்தார் என்பது குறிப்பிடத்தக்கது.