நெல்லை மகேந்திரகிரி இஸ்ரோ மையத்தில், செமி கிரையோஜினிக் இஞ்சின் சோதனை வெற்றிகரமாக நடந்ததாக தெரிவிக்கப்பட்டுள்ளது. காவல்கிணறு மகேந்திரகிரி இஸ்ரோ மையத்தில், ராக்கெட்டை விண்ணில் செலுத்துவதற்கான கிரையோஜினிக் இஞ்ஜின் தயாரிக்கப்பட்டு சோதனை செய்யப்பட்டு வருகிறது. தற்போது அதிக எடை கொண்ட ராக்கெட்டை விண்ணில் செலுத்துவதற்குரிய செமி கிரையோஜினிக் இஞ்சின் தயாரிக்கப்படுகிறது. அதன்படி, செமி கிரையோஜினிக் இன்ஜினின் ஒரு பகுதியான, ப்ரீ-பர்னர் இக்னிஷன் சோதனை ஏற்கனவே ஐந்து முறை நடைபெற்றது. இந்நிலையில், 6வது முறையாக இரண்டரை வினாடிகள் வெற்றிகரமாக சோதனை செய்யப்பட்டதாக இஸ்ரோ வட்டாரங்கள் தெரிவித்துள்ளன.