நீட் தேர்வில் ஆள்மாறாட்டம் செய்த விவகாரத்தில் உதித் சூர்யா தொடங்கி அடுத்தடுத்து பலரும் சிக்கி வருகின்றனர். வெங்கடேசன், பிரவீன், ராகுல் உள்ளிட்டோர் நீதிமன்ற காவலில் வைக்கப்பட்டுள்ளனர். இந்த விவகாரத்தில், ஆள் மாறாட்ட மாணவன் இர்பானின் தந்தை ஷபியை பிடித்து, சிபிசிஐடி போலீசார் விசாரித்து வருகின்றனர். தனியாக மருத்துவமனை நடத்திவரும் ஷபி, தற்போது மருத்துவரே இல்லை என்றும், மற்ற மருத்துவர்களை வைத்து, மருத்துவமனை நடத்தி வருவதாகவும் விசாரணையில் தெரிவித்துள்ளார். நீட் தேர்வு ஆள் மாறாட்டத்துக்கு மூளையாக செயல்பட்டதாக கூறப்படும் ஷபியின் இந்தத் தகவல் அதிர்ச்சியடைய வைத்துள்ளது. தாம், மருந்தகத்தை மட்டுமே பார்த்து வந்ததாகவும், அவ்வப்போது, மருத்துவம் பார்ப்பதாகவும் கூறியுள்ள அவர், 1989​ மற்றும் 1990ஆம் ஆண்டுகளில் மருத்துவ படிப்பை பாதியில் கைவிட்டதாக தெரிவித்துள்ளார்.