பிரசவத்திற்கான பயிற்சி வழங்குவதாக விளம்பரம் செய்த கோவை இளைஞர் ஹீலர் பாஸ்கர் என்பவர் கைது செய்யப்பட்டார். பொதுமக்கள் கொடுத்த புகாரின் பேரில், இரு பிரிவுகளின் கீழ் வழக்கு பதிவு செய்த குனியமுத்தூர் போலீசார், பின்னர் ஹீலர் பாஸ்கரை, மத்திய சிறையில் அடைத்தனர். இந்த சம்பவம் குறித்து, கோவையில் "தந்தி டிவி"- க்கு பேட்டி அளித்த மாவட்ட சுகாதாரத்துறை இணை இயக்குநர் பானுமதி, இதுபோல போலி விளம்பரம் கொடுத்து தவறாக வழிநடத்துவோர் மீது, கடும் நடவடிக்கை எடுக்கப்படும் என எச்சரித்தார்.