கோழிப்பண்ணைகள் அதிகம் உள்ள நாமக்கல் மாவட்டத்தில், தினசரி மூன்றரை கோடி முட்டைகள் உற்பத்தி செய்யபடுகின்றன. அங்கு உற்பத்தியாகும் முட்டைகளின் விலையை, நாமக்கல் தேசிய முட்டை விலை நிர்ணயக் குழு நிர்ணயம் செய்கிறது.
கடந்த 7-ஆம் தேதி 4 ரூபாயாக இருந்த முட்டை விலை, கடந்த10-ஆம் தேதி 15 காசுகள் அதிகரிக்கப்பட்டது.இதேபோல், கடந்த 12 ம் தேதி 25 காசுகள் அதிகரிக்கப்பட்டு, 4 ரூபாய் 40 காசுகளாக நிர்ணயிக்கப்பட்டது.
இந்நிலையில், இன்று ஒரே நாளில் 40 காசுகள் அதிகரிக்கப்பட்டு 4 ரூபாய், 80 காசுகளாக விலை நிர்ணயம் செய்யப்பட்டு உள்ளது. இதனிடையே, தமிழகம் மற்றும் வட மாநிலங்களில் கடும் குளிர் நிலவுவதால், தேவை அதிகரித்து முட்டை விலை உயர்ந்து வருவதாக தேசிய முட்டை விலை ஒருங்கிணைப்பு குழு தலைவர் செல்வராஜ் கூறி உள்ளார்