#drone #chennaidronecrash சென்னை திருவொற்றியூரில் உள்ள கண்டெய்னர் யார்டில், திடீரென சிறிய ரக ஆளில்லா ட்ரோன் விமானம் விழுந்து நொறுங்கியதால் பரபரப்பு ஏற்பட்டது. ஆயிரக்கணக்கான கண்டெய்னர்கள் நிறுத்தி வைக்கப்பட்டுள்ள பகுதியில், எங்கிருந்தோ பறந்து வந்த ட்ரோன் விழுந்துள்ளது. இதனால் அங்கிருந்த ஓட்டுநர்கள் மற்றும் ஊழியர்கள் அதிர்ச்சியடைந்து அலறியடித்து ஓட்டம் பிடித்தனர். ட்ரோனில் ஜிபிஎஸ் கருவி பொருத்தப்பட்டுள்ளதாகக் கூறப்படும் நிலையில், அதை இயக்கியது யார், எங்கிருந்து இயக்கப்பட்டது, எதற்காக அனுப்பப்பட்டது என்ற கேள்விகள் எழுந்துள்ளன. துறைமுகங்கள் மற்றும் தொழிற்சாலைகளை வானிலிருந்து கண்காணிக்க பயன்படுத்தப்படும் ட்ரோன் என்பதால் பாதுகாப்பு குறித்த அச்சமும் ஏற்பட்டுள்ளது. இதுகுறித்து போலீசாருக்கு தகவல் தெரிவிக்கப்பட்டுள்ள நிலையில், ட்ரோன் தொடர்பாக விசாரணை நடைபெற்று வருகிறது.