சென்னை தண்டையார்பேட்டை வீரா குட்டி தெருவில் வசித்து வந்த விடுதலை சிறுத்தை கட்சி நிர்வாகியான கேசவன் நேற்று இரவு கொடூரமாக வெட்டிக் கொலை செய்யப்பட்டார். அவரை வெட்டிக் கொன்ற 10 பேர் கொண்ட கும்பலை பிடிக்க 2 தனிப்படைகள் அமைக்கப்பட்டு தேடுதல் வேட்டை நடைபெற்றது. செல்போன் சிக்னலை வைத்து விசாரணை நடத்தியதில், அந்த கும்பல் எர்ணாவூர் மற்றும் அத்திப்பட்டு பகுதியில் பதுங்கியிருப்பதும் தெரியவந்தது. இதையடுத்து கொலையாளிகள் 4 பேரை போலீசார் கைது செய்தனர். வீராகுட்டி தெருவில் குட்கா உள்ளிட்ட போதைப் பொருட்கள் விற்பனை செய்யப்படுவது குறித்து கேசவன் போலீசாரிடம் தகவல் தெரிவித்துள்ளார். இதனால் ஆத்திரமடைந்த அந்த கும்பல், கேசவனை வெட்டிக்கொன்றது தெரியவந்தது. மேலும் தப்பி ஓடிய 4 பேரை போலீசார் தேடி வருகின்றனர்.